Misaun TIMOR GAP nian konsentra liu ba kriasaun valór adisionál sira ba dezenvolvimentu petróleu no gás, liuhusi kriasaun empregu no oportunidade negósiu nian sira, nune‘e mós ho enerjia ne’ebé seguru no kontribui ba dezenvolvimentu sosiál no ekonómiku iha Timor-Leste. Tanba TIMOR GAP mak responsável ba jestaun Rekursu Mina no Gás iha Timor-Leste, tuir mandatu Governu nian, ami iha kapasidade atu halo alterasaun no benefísiu reál ba timor oan sira.
Ami sei kontinua haka‘as an nafatin atu mantein ami-nia kompromisu hodi maksimiza partisipasaun konteúdu lokál nian iha ami-nia projetu sira, no foku inisiál ida ba formasaun sidadaun nasionál sira nian, atu nune’e bele garante disponibilidade kompeténsia hirak ne‘ebé presiza. Planu konteudu lokal nudar rekízitu importante ida tuir ami nia akordu, kontratu no negosiasaun ho Konsorsiu no parseiru negosiu sira. Projetu sira ne ‘ebé dezenvolve ona iha kampu ne’e, hanesan Postu Abastesimentu Suai no Aeroportu Jet Fuel Depot ne‘ebé fo servisu eskluzivamente ba funsionáriu lokál sira, ne‘ebé hetan ona formasaun kompletu husi ami-nia parseiru komersiál sira kona-ba hala’o sira-nia knaar no responsabilidade.
Atu dehan deit katak, ami nia objetivu mak atu ajuda dezenvolvimentu ekonómiku Timor-Leste nian, hodi fornese servisu, harii infraestrutura foun, no atrai servisu foun no atividade manufatura sira. Ami dezenvolve no investe tiha ona iha programas hirak tuir mai ne‘e:
- TIMOR GAP nia Kompromisu ba Jestaun Impaktu Komunidade
- Projetu TIMOR GAP Dezenvolvimentu Sosiedade no Komunidade
- Projetu Investimentu Komunidade ho MILINIUM GREAGRO, Lda.
- Programa Investimentu Sosial Sunrise Joint Venture
Projetu Tasi Mane
Projetu Tasi Mane iha impaktu ekonómiku no sosiál diretu, liu-liu ba korredór súl nasaun nian. Projetu ne’e hamosu ona dezenvolvimentu infraestrutura krítiku sira, inklui Aeroportu Suai, Kluster Refinaria Betano no kompleksu Planta GNL Beaço nian, no área sira ne’e mos sei sai hanesan sentru ba dezenvolvimentu lojístika no talentu, hodi hasa’e moris-di’ak no oportunidade servisu ba Timor oan sira.
