Setór enerjia hanesan pilár fundamentál ida iha Planu Estratéjiku Dezenvolvimentu Timor-Leste 2011-2030. Setór ida-ne‘e importante tebes ba ita-nia nasaun joven ne’e nia kreximentu ekonómiku no forsa, no ninia prosperiedade ba jerasaun sira tuir mai. TIMOR GAP iha pozisaun forte atu muda dezafiu balun, ne’ebé bele mosu wainhira dezenvolve ita nia rekursu hidrokarbonetu, no transforma sira ba iha oportunidade foun no interesante sira.

Timor-Leste nu‘udar nasaun datoluk, no nasaun dahuluk iha Ázia, atu asina no kumpre loloos inisiativa Transparénsia Indústria Estrativa nian (EITI) – padraun globál kona-ba governasaun di’ak ba indústria estrativa rekursu naturál sira. Hanesan parte EITI nian, Timor-Leste kompromete ona atu divulga informasaun sira ne‘ebé iha relasiona ho indústria enerjia nian, inklui oinsá hetan direitu ba estrasaun sira, oinsá reseita sira ne’e governu jere, no oinsá indústria ne‘e kontribui ba sosiedade.

“TIMOR GAP iha kompromisiu tomak ba dezenvolvimentu sustentavel país nian, tanba ami kontinua dezenvolve ami-nia forsa no esplora oportunidade sira ba hadia diak liu tan ami-nia an no sai ezemplu ida ne‘ebé di’ak liu, hanesan empreza komersiál no instituisaun governamentál ne‘ebé define ona iha ami-nia dekretu lei. ” Prezidente & CEO, António de Sousa

Favor asesu ba rezultadu finanseiru TIMOR GAP nian iha Relatóriu Anuál